Witajće k nam!

Rěčespytny wotrjad Serbskeho instituta prezentuje Wam tu online wužiwajomny Němsko-hornjoserbski słownik, spisany wot Helmuta Jenča, Frida Michałka a Ireny Šěrakoweje, kotryž nasta w mnoholětnym dźěle w Instituće za serbski ludospyt, předchadniku našeho instituta, a wuńdźe 1989/1991 w dwěmaj zwjazkomaj w Ludowym nakładnistwje Domowina.

Słownik wobsahuje 36478 artiklow, w kotrychž podawaja so serbske wotpowědniki za dohromady 66151 němskich słowow.

Tu spřistupnjeny poskitk – NHS-online – njereprezentuje hišće doskónčny staw dźěła, na jeho polěpšenju so hišće dźěła. Hladajo na potrjebu serbskeje rěčneje praksy pak smy so rozsudźili hižo tutón mjezystaw wozjewić.

Kedźbu: Dokelž jedna so wo jedyn hižo wjace hač 30 lět stary słownik, njewotpowěduje prawopis w kóždym padźe aktualnej normje, kajkaž podawa so w němskim Dudenje a w hornjoserbskim Prawopisnym słowniku.