Skoržić na něšto

Čitach jónu, zo „skorži něchtó přez hłowybolenje“. Na tutym městnje wšak so serbske rěčne začuće wobara. W němčinje drje so praji: „Er klagt über Kopfschmerzen“, ale Serbja hinak skorža. W digitalnym tekstowym korpusu Serbskeho instituta je tójšto dokładow za to, so skoržimy na hłowybolenje, na bolosće abo tež na napjate žiwjenje. Tohorunja skoržimy na wosoby. Tak skorži mjez druhim něchtó na woteběrarjow časopisow, a Jakub Bart-Ćišinski skoržeše na Arnoštu Muku. Znate su tež dalše móžne konteksty werba skoržić. Móžemy někomu swoju nuzu wuskoržić abo přećiwo komu na zarunanje skoržić. W poslednim woznamje wužiwa wone słowjeso husto prawiznik, wšako zastupuje wón skóržbnika abo tež wobskorženeho.

J. Šołćina

Themen: Grammatik

Schlüsselwörter: Präposition, Verb

Wörter: skoržić na, klagen über